Narito Ako

Sa bawat araw na hinaharap ko
Ikaw lamang ang sandalan ko
Tagapuno ng lakas sa aking kahinaan
Tagasalo ng mga luhang tila walang katapusan

Paano ko nga ba maibabalik ang kabaitan Mo?
Paano ko mababayaran ang utang ko?
Ang pagmamahal Mo ay sadyang walang katapat
Na higit buhay man ay hindi matatapatan

Narito lamang ako, Panginoon
Naghihintay na matawag mo
Nagnanais lamang na ipakita ang pag-ibig ko
Isang anak na humahanga sa kanyang Ama

Sadyang kay hirap mabuhay sa mundong ito
Ang bawat pagsikat ng araw ay nagdadala ng matinding sakit
Ngunit ang kalooban ko ay hindi mababagabag
Sapagkat kapayapaan ko’y hawak ng Maykapal

Narito lamang ako, Panginoon
Inaabangan ang salita Mo
Sa kahit ano mang paraan na nais Mo
Sana’y masuklian ko ang alay Mo